أغانى الحجاج

تحميل

 ***
أغنية عودة (تصف عودة الحاج محملاً بالهدايا لأهله وأصدقائه ، كما تصف استعداد الأهل لاستقبال الحاج)

عدى البحور عدى والبخيت مين
عدى البحور عدى وجابو الكساوى
من بلاد جدة وجابو الكساوى
حاجنا إن جاء طيب لنفصل قطيفة
ونفرش السجاجيد لحد السقيفة
زغرتت له القلة وهى ملآنة
نشربك يا قلة نهار السلامة
زغردت له القلة وهى جديدة
نشربك يا قلة من مصر السعيدة
***
وابور السفر لآحنى جلوعك
سيد المرسلين يكتب رجوعك
***
يا جمل ياجمل إذا جبت لى احبابى
أعلفك يا جمل بسمسم وسكر جلابى
يا جمل يا جمل وإذا جبتهم لى
أعلفك يا جمل بطرفى وكمى
يا جمل يا جمل وإذا جبت سيدك
لاعلفك يا جمل وازود عليجك

***
يا ما ضريح النبى نصبوا الستارة عليه
نصبوا ستارة سندسى على ضريح النبى
ياللى تقولوا وتنشدوا ابلغ سلامى عليه
ياما ضريح النبى نصبوا الستارة عليه
عند النبى دلى يا بكره دلى
عند النبى طاطت له الهجينا
ادن بلال وقام الصلاة بينا
دلى يا بكره دلى
قال لى يوم الزحام هو الشافع لينا
دلى يا بكره دلى